Në sajë të operacionit antidrogë “Cakrani”, policia ka goditur një tjetër rast të veprimtarisë kriminale në fushën e narkotikëve.
Si pasojë e këtij operacioni, policia e Fierit ka vënë në pranga 2 shtetas dhe ka shpallur në kërkim dy të tjerë.
Mësohet se në pranga kanë përfunduar N. D., 61 vjeç, dhe J. D., 47 vjeç, të dy banues në Cakran. Gjithashtu janë shpallur në kërkim shtetasit M. D., 38 vjeç dhe D. D., 24 vjeç.
Nga kontrolli i ushtruar në banesat e tyre në fshatin Cakran, Policia gjeti dhe sekuestroi në cilësinë e provës materiale rreth 57 kg lëndë narkotike e dyshuar kanabis, një armë zjarri dhe municion luftarak.
Materialet i kaluan Prokurorisë pranë Gjykatës së Shkallës Parë Fier, për veprat penale “Prodhimi dhe shitja e narkotikëve” dhe “Mbajtja pa leje e armëve dhe municioneve luftarake”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
