Një 33-vjeçar që qarkullonte me armë zjarri pa leje, është vënë në pranga nga Policia në Himarë.
Policia bën me dije se kishte marrë disa denoncime se një 33-vjeçar nga qyteti i Shkodrës lëvizte me armë në zonën e plazhit në Himarë dhe menjëherë kanë filluar nga puna për ndalimin e tij.
Në aksionin e kryer nga policia, e asistuar nga FNSH e Fierit, personi me inicialet E.D ka qenë duke udhëtuar me një automjet në afërsi të një karburanti. Në momentin e ndalimit ai ka qenë me një armë zjarri me 8 fishekë të cilën e mbante në brez.
Materialet i kaluan Prokurorisë në ngarkim të tij për veprën penale “Prodhimi dhe mbajtja pa leje e armeve luftarake e municionit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
