Kreu i opozitës Lulëzim Basha e ka nisur të javën me një postim në llogarinë e tij në Facebook duke vazhduar akuzat për vjedhjen e votave ndaj kryeministrit Edi Rama.
“Ja si hajduti psiqik vodhi zgjedhjet me krimin e organizuar për të plaçkitur Shqipërinë me ta dhe me oligarkët grabitqarë! Vetëm zgjedhjet e lira dhe të ndershme me një qeveri tranzitore pa hajdutin psiqik, dhe ndëshkimi i politikanëve që vodhën zgjedhjet, do ta çlirojnë demokracinë dhe drejtësinë nga kjo bandë kriminale. Kësaj radhe zgjidhja e krizës kalon nga politikanë me pranga në duar!”- ka shkruar Basha në llogarinë e tij në rrjetin social Facebook.
Statusi I kreut të demokratëve është shoqëruar me një videomontazh për të njëjtën temë, ku kryeministri Rama ka komentuar në raste të ndryshme të daljeve të tij publike përgjimet e kanalit gjerman Bild.
Kreu i demokratëve vazhdon retorikën e disa muajve “Kësaj radhe zgjidhja e krizës kalon nga politikanë me pranga në duar!” në kërkim të rrëzimit të Ramës, por nuk ka deklaruar ende se si do të vijojë strategjia e opozitës për ta realizuar këtë përmbysje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.