Pas incidentit që ndodhi në KZAZ nr.6 mbrëmjen e kaluar në Vaun e Dejës, ku mbetën të plagosur edhe tre efektivë policie, policia ka vënë në pranga 15 persona.
Ndërkohë, tre shtetas të tjerë po ndiqen penalisht në gjendje të lirë dhe 9 të tjerë janë shpallur në kërkim.
Lajmin e ka bërë me dije zv/ drejtoresha e përgjithshme e Policisë së Shtetit, Aida Hajnaj, në një deklaratë për mediat.
Ajo është shprehur se mes të arrestuarve janë edhe nën-kryetari i Bashkisë, Vau i Dejës, vëllai i kryetarit të Bashkisë si dhe punonjës të bashkisë.
Siç njofton policia, arrestimi i tyre ka ardhur pasi këta shtetas në bashkëpunim me njëri-tjetrin dhe me persona të tjerë, janë grumbulluar pranë KZAZ Nr. 6, e cila ndodhet në ambientet e shkollës “Ndre Mjeda” në fshatin Bushat.
Ata protestuan duke përdorur sende të forta dhe bomba molotov në drejtim të KZAZ, si dhe në drejtim të punonjësve të Policisë që ishin të vendosur me shërbim. Kjo është strategjia e bashkive të djathta për të mos lejuar mbajtjen e zgjedhjeve.
Gjatë deklaratës, Hajnaj bëri me dije se efektivët e plagosur ndodhen nën kujdesin e mjekëve, jashtë rrezikut për jetën.
Janë vënë në pranga 15 shtetas:
Admir Hasnegaj, 37 vjeç, nënkryetar i Bashkisë Vau Dejës
Alfred Hila, 51 vjeç, vëllai i kryetarit të Bashkisë Vau i Dejës
Lin Gjoka, 33 vjeç, Punonjës i Bashkisë
Tom Simoni, 55 vjeç, Punonjës i Bashkisë
Aleks Prendi, 46 vjeç, punonjës i Bashkisë, kujdestar konvikti
Tonin Xhevahiri, 53 vjeç, punonjës i pyjores së Bashkisë
Mirash Thepi, 58 vjeç banues në fshatin Pacram,
Luçiano Kulli,25 vjeç , banues në fshatin Pistull,
Izet Brahimi, 27 vjeç, banues në fshatin Pistull,
Klodian Tusha, 30 vjeç, banues në fshatin Kosmac,
Arben Bakucaj, 39 vjeç, banues në fshatin Barbullush,
Genc Qarri, 48 vjeç, banues në fshatin Barbullush,
Pavlin Qoku, 46 vjeç, banues në fshatin Hajmel,
Jetmir Beqiri, 38 vjeç, banues në fshatin Kosmac,
Mark Rrethatori 26 vjeç,
Janë proceduar në gjendje të lirë 3 shtetas:
Altin Fushaxhiu, 44 vjeç, banues ne fshatin Hajmel,
Kastriot Gjini, 33 vjeç, banues në fshatin Paçram,
Vladimir Gjinaj, 34 vjeç, banues ne fshatin Paçram,
Janë shpallur në kërkim 9 shtetas:
Benard Ndreca, 31 vjeç, Kryetar i Njësisë Administrative Hajmel
Donard Kulli, 34 vjeç, kryeplak i fshatit Pistull.
Isa Moriqi, 54 vjeç, kryeplak i fshatit Melgushë
Arben Moriqi, 49 vjeç, vëllai i kryeplakut fshatit Melgushë
Edion Hila, 31 vjeç, djali i kryetarit të Bashkisë.
Gentian Ndoj, 34 vjeç, Sekretar i Bashkisë
Alfred Hila, 51 vjeç, vëllai i kryetarit të Bashkisë
Altion Krajni, 30 vjeç, Punonjës i Bashkisë.
Gentian Moriqi , 38 vjeç, banues në qytet Vau Dejës.
Materialet procedurale në ngarkim të autorëve të sulmit me bomba molotov dhe djegies së materialeve zgjedhore, i kaluan Prokurorisë pranë Gjykatës së Shkallës Parë Shkodër, për veprat penale të “Shkatërrimi i pronës me zjarr”, “Kundërshtimi me dhune i punonjësve të policisë rendit publik” dhe “Dëmtimi i materialeve zgjedhor”, parashikuar nga neni 151/2, dënimi nga 5 deri në 15 vjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
