Menjëherë pas vendimit të Kolegjit Zgjedhor, i cili vendosi të lërë në fuqi 30 qershorin si datën e zgjedhjeve, vjen edhe një reagim nga ana e Presidencës. Zëdhënësi i Presidentit Ilir Meta, Tedi Blushi, e ka cilësuar vendimin e Kolegjit Zgjedhor një skeç të orkestruar prej kohësh.
“Asnjë surprizë nga skeçi i radhës i orkestruar prej kohësh”, shkruan Tedi Blushi në rrjetin social “Facebook”.
Kolegji Zgjedhor me anë të trupës gjykuese që përbëhej nga Tomor Skreli, Ridvan Hado, Lindita Sinanaj, Artur Malaj dhe Shkëlqim Mustafa, vendosi të rrëzojë kërkesën e kryetarit të Partisë Uniteti Kombëtar, për çregjistrimin nga listat e zgjedhësve të pushtetit vendor.
Ky vendim la në fuqi mbajtjen e zgjedhjeve më 30 qershor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
