Dy aksidente rrugore janë regjistruar mbrëmjen e djeshme në kryeqytet, ku për pasojë kanë humbur jetën dy persona.
Mësohet se në rrugën “Don Bosko”, një makinë tip “Volkswagen” ka përplasur një 69-vjeçar të identifikuar si S. Shehu, i cili ka ndërruar jetë, pasi ka shkuar në spital. Për këtë aksident është arrestuar 22-vjeçari me inicialet E. Q.
Ndërkohë, një tjetër aksident me pasojë vdekjen ka ndodhur në “Rrugën e Dibrës” , në vendin e njohur si “Medreseja”.
Makina ka përplasur për vdekje një këmbësor, rreth 60 vjeç me inicialet G. M. Policia arrestoi drejtuesin e mjetit G. Beqiraj. Sipas njoftimit të policisë, shkak i aksidentit është bërë shoferi, i cili po drejtonte mjetin në gjendje të dehur.
Materialet i kaluan Prokurorisë Pranë Gjykatës Shkallës së Parë Tiranë, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
