Ministri i Jashtëm në detyrë, Gent Cakaj ka zhvilluar një takim me Komisionerin e Zgjerimit, Johannes Hahn në Bruksel. Në një postim në “Twitter”, Cakaj tha se diskutuan mbi përgatitjet për hapjen e bisedimeve. Ndërsa theksoi se Shqipëria e meriton hapjen e negociatave me BE.
“Kisha një takim të rëndësishëm me @JHahnEU në Bruksel sot. Diskutuam përparimin e konsiderueshëm të Shqipërisë në prioritetet kryesore, situatat e brendshme, si dhe përgatitjet për hapjen e bisedimeve”, shkruan ministri Cakaj në “Twitter”.
Lidhur me hapjen e negociatave, qeveria holandeze dje gjatë diskutimit në parlament, i dha një shuplakë të fortë Shqipërisë.
Ministri i Jashtëm holandez, Stef Blok, është shprehur në Dhomën e Ulët të parlamentit se qeveria holandeze nuk është dakord për hapjen e negociatat me vendin tonë. Shqipëria ende ka një rrugë të gjatë përpara”, tha Blok.
Ndërkohë, Gjermania duket të jetë përçarë për nisjen e bisedimeve me vendin tonë.
Gazeta e njohur gjermane, “Süddeutsche Zeitung” ka publikuar një shkrim tronditës për Shqipërinë, duke raportuar se kancelarja Angela Merkel ka refuzuar qartësisht kërkesën e Komisionit Europian për hapjen e negociatave të anëtarësimit me Shqipërinë dhe Maqedoninë e Veriut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
