Policia e Fierit ka arrestuar në flagrancë 2 shtetas, pasi drejtonin mjetin pa leje drejtimi dhe 1 tjetër pasi drejtonte automjetin në gjendje të dehur.
Policia bën me dije se është vënë në pranga shtetasi B.B, 44 vjeç, banues në Patos.
Arrestimi i këtij shtetasi u bë pasi në vendin e quajtur “Parku i Fierit”, është kapur nga shërbimet e policisë rrugore duke drejtuar automjetin tip “Benz” në gjendje të dehur.
Ndërsa shtetasi E. R, 28 vjeç, banues në Fier është arrestuar, pasi është kapur nga shërbimet e policisë duke drejtuar motoçikletën tip “LONXIN”, pa dokumentacionin përkatës dhe pa leje drejtimi.
Po ashtu shtetasi Xh. A, 18 vjeç, banues në Fier është arrestuar, pasi është kapur nga shërbimet e policisë rrugore duke drejtuar motoçikletën tip “LIFAN”, pa dokumentacionin përkatës dhe pa leje drejtimi.
Materialet i kaluan Prokurorisë pranë Gjykatës së Shkallës së Parë Fier për veprën penale “Drejtimi i automjetit në mënyrë të parregullt”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
