Kryedemokrati Lulzim Basha ka zhvilluar një takim me Komisionerin e BE për Buxhetin dhe Burimet Njerëzore, Günther OETTINGER.
Lidhur me këta takim, Basha tha se ai dhe opozita e bashkuar po bashkëpunojnë me Berlinin. Ai shprehet se ka qenë një bashkëpunim tepër i frytshëm me Gjermaninë, ku në fokus të bisedës ka qenë zhvillimi ekonomik i Shqipërisë.
“Sot në Berlin pata një bashkëbisedim të frytshëm për Shqipërinë, zhvillimin ekonomik dhe projekte të rëndësishme që do të përmirësojnë jetën e qytetareve tanë, me Komisionerin e BE për Buxhetin dhe Burimet Njerëzore, Günther OETTINGER. Angazhim dhe përkushtim maksimal për punësim, mirëqenie, zhvillim ekonomik për qytetarët për Shqipërinë si Europa”, shkruan Basha.
Vizita e liderit të PD-së në Gjermani vjen dy ditë pas protestës së shtatë të opozitës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
