Në sajë të operacionit policor të koduar “Dukagjini”, Policia e Shkodrës ka vënë në pranga dy persona, të cilët ishin të shpallur në kërkim.
Policia bën me dije se ka ndaluar shtetasin e shpallur në kërkim, Lush Pjollaj, 42 vjeç, i cili fshihej në një banesë në fshatin Vuksanaj të Dukagjinit.
Ai rezultonte i dënuar në mungesë me 23 vite burg për veprën penale të “Vrasjes”. 42-vjeçari, 7 vite më parë, kishte vrarë me armë zjarri shtetasin M. T. 56 vjeç për motive të gjakmarrjes.
Gjithashtu në vijim të operacionit u kap në Shkodër edhe një shtetas tjetër i dënuar me 5 vjet e 6 muaj burg për veprën penale “Prodhimi dhe shitja e narkotikëve”.
Bëhet fjalë për shtetasin Edmond Beqari, 40 vjeç, banues në Shkodër. Materialet iu referuan Prokurorisë së Rrethit Gjyqësor Shkodër për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
