Policia e Fierit ka vënë në pranga një 36-vjeçar, i cili rezultonte i shpallur në kërkim.
Shtetasi Gentjan Taullaj nga Ballshi kishte thyer lejen e dhënë nga burgu i Fierit duke mos u kthyer më në qeli.
Policia njofton se Gentjan Taullaj u arrestua pranë “QTU” të këtij qyteti. Ai ishte dënuar me 7 vite heqje lirie për veprën penale të trafikut të lëndëve narkotike.
Gjatë kontrollit i është gjetur dhe sekuestruar në cilësinë e provës materiale një sasi lënde narkotike Cannabis Sativa si dhe një dokument leje drejtimi greke e dyshuar e falsifikuar.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme për veprat penale “Prodhimi dhe shitja e lëndëve narkotike”, “Falsifikimi i dokumenteve” dhe “Largim i të burgosurit nga vendi i qëndrimit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
