Prokuroria për Krime të Rënda ka nisur hetimin pasuror për të arrestuarit e grabitjes së Rinasit pasditen e 9 prillit.
Pas veprimeve të para hetimore për zbardhjen e ngjarjes tashmë ka nisur verifikimi i pasurive të personave të dyshuar si autorë, për të parë nëse arrijnë t’i justifikojnë ato me mjete të ligjshme ligjore.
Krimet e Rënda kanë nisur hetimin për shtetasin nga Kosova Ragip Hajdini dhe 5 të tjerët, Elton Piklin, Alkond Bengasin, Renaldo Sulaj, Oltjan Veselin dhe Saimir Çelën.
Ngjarja ka ndodhur pasditen e 9 prillit të 2019-ës, ku 4 persona të maskuar hynë në Aeroportin e Rinasit me një fugon me mbishkrimin “Hetimi Tatimor” dhe grabitën rreth 6 milionë euro.
Nga përplasja me policinë mbeti i vrarë njëri prej grabitësve, Admir Murataj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
