Gjysmëfinalja e kthimit mes dy skuadrave të Stambollit, Fenerbahçe dhe Besiktas, nuk ka mundur të zhvillohet deri në fundin e zakonshëm të një sfide sportive.
Një atmosferë tejet e tensionuar, asgjë e re kjo për një derbi të zjarrtë të Stambollit, kulmoi në minutën e 59 me një incident të rëndë, gjatë të cilit është qëlluar me sende të forta në kokë trajneri i Besiktasit, Senol Gunes, një emër tejet i njohur që ka drejtuar edhe Kombëtaren e Turqisë. Ai është transportuar për në spital, ku thuhet se i kanë bërë 5 qepje në kokë, sipas asaj që raporton filiali turk i CNN-it.
VİDEO! İşte şerefsiz Fenerbahçe taraftarının Şenol Hocamıza attığı madde. pic.twitter.com/E6NizIs5fe
— Beşiktaş GO (@besiktasgo) April 19, 2018
Pas këtij incidenti, arbitri vendosi ta ndërpriste ndeshjen, duke lënë pezull kështu emrin e dytë të finalistit të Kupës së Turqisë.
Ndeshja e parë me Besiktasin vendas kishte përfunduar me rezultatin 2-2, ndërsa takimi i kthimit në fushën e Fenerbahçes, deri në momentin e ndërprerjes ishte fiksuar me rrjeta të paprekura. Një rezultat ky që favorizonte Fenerbahçen, duke ditur se kishte shënuar në fushë kundërshtare, e për më tepër sepse Besiktasi ishte në inferioritet numerik që prej minutës së 30, kur Pepe la fushën e lojës pas ndëshkimit me karton të kuq.
Në finale, njërin prej këtyre ekipeve e pret Akhisar Gençlik Spor, që eliminoi në gjysmëfinalen e parë një tjetër ekip nga Stambolli, Galatasarayn. Në takimin e parë, Akhisari ishte mposhtur 1-2 në fushën e vet, por fitoi 0-2 në Stamboll.
Si.
Why are generics usually much cheaper
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
