Komisioni Qendror i Zgjedhjeve ka vendosur t’i japë mandatin e deputetit të Kuvendit të Republikës së Shqipërisë, kandidatit të radhës në listën shumëemërore të Partisë Socialiste, të Qarkut Gjirokastër, znj. Artemis Kosta Dralo (Malo).
Emri i kandidates Kosta vjen si rrjedhojë e dorëheqjes së deputetit Flamur Hoxha, i cili do të garojë për kryetar bashkie në Gjirokastër në zgjedhjet e 30 qershorit.
Nga Partia Socialiste janë dorëhequr edhe deputetët Pjerin Ndreu, Rakip Suli, Ilir Xhakolli dhe Nuri Belba, për shkak të kandidaturave për kryetar bashkie dhe janë zëvendësuar me katër emra të rinj: Ardiana Jaku, Eljo Hysko, Ardit Konomi, Florenc Spaho.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
