Një 40 vjeçar, banues në Suharekë është ekstraduar sot nga Kosova drejt Shqipërisë për veprat penale “Mashtrimi” dhe “Pastrim i produkteve të veprës penale.
Interpol Tirana bën të ditur se Burim Haxhiolli ishte shpallur në kërkim ndërkombëtar, pasi në vitin 2009 dhe 2010 në bashkëpunim me një shtetas tjetër kanë mashtruar disa shtetas, ndërkohë që kanë tentuar dhe të pastrojnë para. Më pas këto shuma parash i kanë transferuar nëpërmjet bankave të nivelit të dytë.
Haxhiolli ishte shpallur në kërkim ndërkombëtar nga Interpol Tirana, pasi Gjykata e Rrethit Gjyqësor Tiranë, e ka dënuar me 13 vjet burg për veprat penale të “Mashtrimit” dhe “Pastrim i produkteve të veprës penale”.
Si rezultat i bashkëpunimit të Interpol Tirana me Policinë e Kosovës, u bë i mundur arrestimi i tij në Kosovë, duke u finalizuar me ekstradimin e tij drejt Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
