Tre drejtues të lartë të Partisë Demokratike janë proceduar në gjendje të lirë nga ana e Policisë së Shtetit me akuzën e organizimit dhe pjesëmarrjes në grumbullime dhe tubime të paligjshme.
Sekretari i Përgjithshëm, Gazmend Bardhi dhe dy ish-deputetët Flamur Noka dhe Gent Strazimiri janë emrat që policia i fajëson për shkeljen e ligjit për tubimit dhe manifestimet, ndërkohë që për aktet e dhunës në total janë proceduar 81 persona të tjerë, 50 prej të cilëve janë arrestuar.
Akuzat që rëndojnë ndaj tyre janënga kundërshtimi i punonjësit të policisë, goditje për shkak të detyrës, prishje e qetësisë publike, shkatërrimi i pronës me zjarr dhe shkelje e rregullave mbi lëndërt plasëse, djegëse dhe radioaktive.
Policia thotë se 16 efektivë të saj kanë mbetur të plagosur nga hedhja e sendeve të forta dhe e lëndëve plasëse e bombave molotov para Kryeministrisë, tek Parlamenti dhe para Drejtorisë së Policisë së Tiranës.
Ndërkohë, nga Spitali i Traumës deklarojnë se gjatë orëve të protestës janë paraqitur për mjekim 19 persona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
