.png)
Aktet e dhunës dhe konfrontimet me policinë kanë vijuar edhe te Drejtoria e Policisë së Tiranës deri pak para mesnate. Protestuesit me thirrjen e kryedemokratit Basha kanë marshuar drej Drejtorisë së Policisë së Tiranës për të kërkuar lirimin e sekretarin e organizativ të PD Said Dollapi, që u arrestua para parlamentit. Protestuesit kanë hedhur bomba molotov, ndërkohë që policia nga ana e saj ka ndërhyrë duke shpërndarë turmën me gaz lotsjellës.
Ashtu si te Parlamenti, edhe para Drejtorisë së Policisë, janë përdorur makinat me ujë për të shpërndarë protestuesit e opozitës. Protestuesit janë grupuar te Pallatet Shallvare, ndërsa para Drejtorisë u dogjen kazanët e plehrave. Pas mensate Basha mblodhi mbështetësit në seli dhe thirri mbledhje urgjente të strukturave. Ai tha se do të merren vendime se si do të vazhdohet më tej pasi tashme sipas tij Rama i ka shpallur lufte popullit opozitar. Ndërkohë pas mesnate Said Dollapi u dërgua nën masa të forta në spitalin e Traumës për ti dhënë ndihmë mjeksore. Ndërkohë në orët e para të mëngjesit opozita vendosi që nesër të mbajë një tjetër protestë në oren 19.00.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
