.png)
Pas incidenteve para godinës së Kryeministrisë, presidenti Ilir Meta ka reaguar përmes një postimi në “Facebook” duke bërë thirrje për qetësi.
Meta bën thirrje për të shmangur aktet e dhunës, pasi mund të ketë lëndime në njerëz dhe institucione.
“Jam duke ndjekur me shumë shqetësim protestën e opozitës dhe u kërkoj të gjithëve të ruajnë qetësinë, të evitojnë aktet e dhunës dhe konfrontimet, që mund të shkaktojnë lëndime në njerëz dhe dëme ndaj institucioneve”, shkruan presidenti Meta.
Po ashtu ka reaguar edhe ministri i Brendshëm, Sandër Lleshaj duke bërë thirrje për qetësi.
Lleshaj në mesazhin e tij shkruan se nuk mund të ndërtohet demokracia me bomba molotov.
“Me Molotov nuk ndërtohet demokracia, por synohet të shkatërrohet Shqipëria. Por kjo gjë është e pamundur!
Ftoj qytetarët e përgjegjshëm të distancohen nga sulmi ndaj institucioneve. Askush nuk mund ta djegë Shqipërinë përsëri!”, thekson Lleshaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
