Një 31-vjeçar ka vrarë veten sot, pak pasi është konfliktuar me njerëzit e bashkëshortes së tij. Mësohet se i riu, i identifikuar si Ari Hoxha, lindur dhe banues në fshatin Gurrë, Mat, ka vrarë veten pas një konflikti me familjarët e gruas.
Ngjarja e rëndë ka ndodhur në fshatin Plan i Bardhë të Bashkisë Klos. 31 vjeçari ka vrarë veten 150 metra larg banesës së gruas së tij, ku u gjet i pajetë nga policia me një plumb në kokë.
Nuk dihet ende motivi, por dyshohet që Ari Hoxha të ketë pasur një konflikt me njerëzit e gruas, tek të cilët ka shkuar të sqarohet. Ndërkohë që me vete kishte marrë edhe një armë. Mësohet se 31-vjeçari shumë shpejt do të bëhej baba pasi gruaja e tij është shtatzënë.
Policia ka zbuluar përmes një deklarate për mediat, se Ari Hoxha ishte në kërkim për dhunë në familje. Policia e Klosit ka marrë informacion se 31-vjeçari me banim në fshatin Gurrë, po shkonte i armatosur në drejtim të banesës së bashkëshortes në fshatin Plan i Bardhë në Klos.
Shërbimet e Policisë së Klosit rrethuan në distancë banesën dhe në pritje të përforcimeve nga Drejtoria e Policisë së Dibrës, dëgjuan një të shtënë armë zjarri. Rreth 150 metra larg banesës së vjehrrit Hoxha u gjet i vetëvrarë me një plumb në kokë.
Ajo që bie në sy, teksa hedh një vështrim nga profili në Facebook i të ndjerit, është pasioni i tij për armët. Ka foto me kallashnikov në mes të borës, por edhe një foto mjaft e rëndë. 31-vjeçari mban në dorë një pistoletë, të cilën ja drejton edhe vetes, duke e vënë grykën e armës në kokë.
Grupi hetimor nën drejtimin e Prokurorit të Matit ka nisur hetimet për zbardhjen e plotë të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
