.png)
Pas gati një muaji nga grabitja e parave në aeroportin e Rinasit, Prokuroria e Krimeve të Rënda ka bërë me dije përgjigjen zyrtare nga 3 bankat e nivelit të dytë, të cilat konfirmojnë se janë grabitur rreth 6 milion euro.
Fillimisht u aludua se ishin 10 milionë euro të grabitura.
Për grabitjen e parave në Rinas deri më tani janë arrestuar Elton Pikli, Oltjon Veseli, Alkond Bengasi, Renaldo Sula dhe Saimir Çela dhe Ragip Hajdini, për të cilët Gjykata ka vendosur masën e sigurisë “arrest me burg”.
Pak minuta pas grabitjes, gjatë një shkëmbimi zjarri me policinë mbeti i vrarë Admir Murataj.
Supergrabitja ka ndodhur të martën e 9 prillit dhe pak minuta pas grabitjes, gjatë një shkëmbimi zjarri me policinë mbeti i vrarë Admir Murataj, i cili konsiderohej si kreu i bandës kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
