Denoncimi i bërë në polici nga qytetarët, ka vënë në pranga një person të shpallur në kërkim në Tiranë. Forcat “Shqiponja”, me marrjen e njoftimit nga numri 112 për një të kërkuar, organizuan punën duke bërë të mundur në rrugën “George W. Bush”, kapjen e 30-vjeçarit me iniciale E.A., banues në Sarandë.
I riu i arrestuar rreth mesditës së sotme, ishte person i shpallur në kërkim nga Komisariati i Policisë Vlorë.
Kjo pasi Gjykata e Sarandës, ka caktuar ndaj tij masën e sigurisë “Arrest në burg” për veprat penale “Plagosja e rëndë me dashje kryer në bashkëpunim” dhe “Prodhimi dhe mbajtja pa leje e armëve të ftohta”.
I ndaluari akuzohet se më 19 dhjetor 2016, rreth orës 14:40, në lagjen Nr. 1 Sarandë, në bashkëpunim me vëllain e tij, kanë qëlluar me shkop bejsbolli dhe thikë, shtetasin Xh. H., duke i shkaktuar dëmtime të rënda në trup.
Ndaj të ndaluarit në kryeqytet veprimet e mëtejshme procedurale do të kryhen nga Komisariati i Policisë Sarandë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
