.png)
Në sajë të operacionit policor “Bashkëpunimi”, Policia e Vlorës ka vënë në pranga një 28-vjeçar për shpërndarje droge dhe zotërim të paligjshëm të një arme zjarri.
Policia bën me dije se është arrestuar shtetasi me inicialet E. A, banues në Vlorë.
Gjatë kontrollit në banesë i është gjetur një armë zjarri pistoletë dhe një sasi lënde narkotike e dyshuar kanabis sativa.
Droga, siç njofton policia, pritej të shpërndahej në doza të vogla, ndërsa tani rezulton e sekuestruar në cilësinë e provës materiale së bashku me armën e zjarrit.
Materialet do t’i referohen Prokurorisë në ngarkim të secilit për veprat penale përkatëse “Mbajtja pa leje dhe prodhimi i armëve, armëve shpërthyese dhe municioneve” dhe “Prodhimi dhe shitja e narkotikëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
