.png)
Policia e Elbasanit ka shoqëruar në komisariat një shtetas, që dyshohet se ka lidhje me grabitjen e parave të martën e 9 prillit në Aeroportin e Rinasit.
Paraprakisht mësohet se personi që është shoqëruar, është një ish-efektiv policie që ka shërbyer në Elbasan. Ai është i identifikuar me inicialet A. H. dhe ndalimi i tij është bërë në Elbasan.
Nga ekspertiza që është bërë rezulton se nga telefonatat që kanë bërë autorët, ish-efektivi ka komunikuar me grabitësit e Rinasit dhe ka elementë të bashkëpunimit.
Ndërkohë, prokurorët e Krimeve të Rënda kanë shkuar në Rinas, në vendin ku u grabitën miliona euro, për të hetuar në pistën e avionëve dhe kanë sekuestruar dokumentacionin e TIA-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
