.png)
Një incident i dhunshëm është regjistruar këtë të premte në burgun grek të Trikalas.
Një i burgosur grek u vra nga një shqiptar, i cili edhe ai vuante dënimin në këtë burg.
Mediat greke raportojnë se bëhet fjalë për një 55-vjeçar shqiptar, me një dënim tetë muaj për hyrje të paligjshme në vend dhe që shumë shpejt do të lirohej, i cili ka sulmuar dhe vrarë një 66-vjeçar, shtetas grek. Për shkak të plagëve të marra në kokë si pasojë e sherrit, 66-vjeçari nuk ka mundur të mbijetojë.
Sipas të dhënave, në qelinë ku ndodheshin bashkë dy të burgosurit prej një jave situata ishte tensionuar shumë, e në mungesën e rojeve, 55-vjeçari ka qëlluar për vdekje me thikë të sajuar 66-vjeçarin e dënuar për trafik droge. Kanë nisur hetimet për të zbardhur arsyet e ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
