I njohur si prokurori i cili kërkoi dënim me burg përjetë për Dritan Djatin dhe ish-drejtuesi i Prokurorisë së Elbasanit, Ardian Nezha ka dhënë sot dorëheqjen e parevokueshme.
Nezha ka kërkuar nga KLP t’i pranojë dorëheqjen, duke shpallur përfundimin e statusit të magjistratit, ndërsa kërkesa e tij pritet të shyqrtohet më 1 prill.
Mësohet që Nezha të ketë sqaruar edhe arsyet e dorëheqjes. Ai është shprehur se ndaj tij ka pasur mungesë vlerësimi.
Prokurori Nezha prej pak javësh ishte rikthyer prokuror në Pukë, ndërsa pas këtij veprimi ku ai qëndroi i komanduar në Tiranë ka kërkuar të largohet nga sistemi çka do të sillte edhe ndërprerjen e vettingut për të.
Mësohet se KLP pritet të caktojë edhe drejtuesin e prokurorisë Fier e Lushnjë në këtë mbledhje pas vakancës të krijuar nga shkarkimet për efekt të Vettingu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
