.png)
Më 26 prill 1954, filluan provat në terren të vaksinës së poliomielitit Salk. Kjo provë do të përfshinte 1.8 milionë fëmijë. Prova nisi në shkollën fillore Franklin Sherman në McLean, Virxhinia.
Në këtë provë u përdor për herë të parë metodën e verbërisë së dyfishtë.
Ky standard është kur as pacienti dhe as mjeku që merrte pjesë, nuk e dinë nëse në vaksinë ka ilaç apo është një placebo.
Një vit më vonë, më 12 prill 1955, studiuesit njoftuan se vaksina ishte e sigurt dhe efektive.
Ajo u bë një pjesë standarde e imunizimeve të fëmijërisë në Amerikë.
Në dekadat që pasuan, vaksinat e poliomielitit do të fshinin sëmundjen shumë ngjitëse në hemisferën perëndimore.
Poliomieliti, është një sëmundje infektive që ekziston që nga kohërat e lashta dhe shkaktohet nga një virus.
Ndodh më shpesh tek fëmijët dhe mund të çojë në paralizë. Sëmundja mori përmasa epidemike gjatë gjysmës së parë të shekullit të 20-të.
Presidenti Franklin D. Roosevelt u diagnostikua me poliomielit në vitin 1921 në moshën 39-vjeçare dhe mbeti i paralizuar.
Në vitin 1938, Roosevelt ndihmoi në themelimin e Fondacionit Kombëtar për Paralizën Infantile, i cili më vonë u quajt “Marshimi i Dimes”.
Organizata ishte përgjegjëse për financimin e një pjese të madhe të kërkimeve në lidhje me sëmundjen, duke përfshirë provat e vaksinës “Salk”.
Njeriu pas vaksinës origjinale ishte mjeku dhe epidemiologu i lindur në Nju Jork, Jonas Salk (1914-95).
Provat në terren të vitit 1954 që pasuan, më të mëdhatë në historinë e SHBA-së në atë kohë, u drejtuan nga ish-kolegu i Salk në Universitetin e Miçiganit, Thomas Francis, Jr.
Në fund të viteve 1950, virologu i lindur në Poloni, Albert Sabin (1906-1993) testoi një vaksinë orale të poliomielitit (OPV) që ai kishte krijuar nga një virus i gjallë i dobësuar.
Vaksina, më e lehtë për t'u administruar dhe më e lirë për t'u prodhuar se ajo e Salk, u bë e disponueshme për përdorim në Amerikë në fillim të viteve 1960.
Sot, poliomieliti është eliminuar në pjesën më të madhe të botës për shkak të vaksinës.
Megjithatë, ende nuk ka kurë për sëmundjen dhe ajo vazhdon në një numër të vogël vendesh në Afrikë dhe Azi.
Burimi: History/ Përshtati: Gazeta “Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
