Një dermatologe dështoi të zbukuronte nga ana estetike një 66-vjeçare me banim në kryeqytet, ndaj dhe klientja e pakënaqur me të u ankua në polici.
Kallëzimi u mbajt shënim nga një oficer i gatshëm pranë komisariatit numër 1 thanë burime të gazetës Si. Gruaja e pakënaqur ka nisur trajtimet e bukurisë përreth gojës me shpresën se kështu ajo do kthente pak nga freskia e dikurshme. Bëhet me dije se S. Xh sipas kallëzimit, pagoi 200 euro, por në fund nuk pa asnjë rezultat.
“Ndërhyrja e parë tek dermatologia kushtoi 160 euro - ankohet 66-vjeçarja - dhe veç kësaj pagova edhe 40 euro krem”. Por megjithëse i ishte premtuar të moshuarës se do ndryshonte diçka, ajo shton “problemi që kisha rreth gojës ishte i njëjtë”. Denoncuesja i kërkon policisë ta hetojnë dermatologen edhe sepse për shërbimin nuk i kanë dhënë kupon tatimor. Policët pas administrimit të kësaj deklarate, kanë telefonuar dermatologen A. L dhe i kërkuan të paraqitet në komisariat. Por mjekja është përgjigjur “do paraqitem në fund të gushtit ose në fillim të shtatorit, pasi tani e kam të pamundur”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.