Gjashtë vite më parë gjatë një aksidenti automobilistik humbi jetën ish-ministri i Transportit dhe ish-deputeti i PD-së, Sokol Olldashi. Një nga zërat më të fortë në PD, Olldashi ishte rivali i Lulzim Bashës në garën për kreun e PD-së, që u zhvillua pas largimit nga ky posti i Sali Berishës.
Gjatë vite më pas, kryedemokrati Lulzim Basha nga samiti i PPE-ve, ku do të zhvillohen zgjedhjet për liderin e ri të Partive Popullore Europiane, ka postuar një foto ku shfaqet me të birin e ish-rivalit të tij politik.
“Sokol Olldashi do të ishte krenar të shikonte se si djali i tij i madh Glauku po ecën ne gjurmët e tij. Jam i bindur se Glauku, të rinjtë demokratë dhe rinia shqiptare, do ta përmbushin me sukses misionin e "Shqipërisë si gjithë Europa". Na mungon Sokoli”, shkruan Basha në postimin e tij.
I biri Glauku është bërë pjesë e Rrjetit të Rinjve Europianë të Partive të Djathta. Madje gjithashtu ka marrë pjesë edhe në aktivitete të tjera politike të PD-së në Tiranë, e në protestat e opozitës.
![](https://gazetasi.al/wp-content/uploads/2019/11/Kol-Olldashi-1110x833.jpg)
Të shumtë janë demokratët që kanë postuar dedikime e kujtime në rrjetet sociale për ish-ministrin Olldashi. Ardian Olldashi, vëllai ish-ministrit, në një postim në Facebook, e shoqëron foton Sokolit me shprehjen: “Duhen dy burra për të bërë një vëlla”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.