.png)
Gazeta Si – Para dhe gjatë derbit Real-Barcelona, ku katalanasit fituan 0-1, tifozët madrilenë kishin zgjedhur një mënyrë origjinale për të protesuar, apo shigjetuar rivalët e tyre historikë.
Ata kishin përgatitur kartmonedha me prerje 500 euro, me fytyrën e presidentit të Barcelonës, Johan Laporta. Një referim i qartë për skandalin që ka përfshirë kohët e fundit klubin katalanas, që ka paguar ish-zv.presidentin e arbitrave, Negreira.
Për këtë çështje ka kërkuar shpjegime edhe UEFA së fundi. 500-shet e eurove janë hedhur nga shkallët e stadiumit ‘Bernabeu’.
— Epic Red Cards (@epicredcards) March 3, 2023
Irritimi i tifozëve të Realit është shtuar nga disa episode, ku vendimet e gjykimit ishin kundër tyre. Gavit, për shembull, i është falur dy herë kartoni i verdhë për goditje me bërryl të kundërshtarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
