Nostalgjikët e diktatorit Enver Hoxha nuk mund të mungonin këtë 5 Maj në Varrezat e Dëshmorëve për të kryer homazhet e rastit, por janë përballur me një incident të pakëndshëm.
Në pritje të kreut të PD, Lulzim Basha, mësohet së mbështetës demokratë janë përplasur fizikisht me veteranët që mbanin në duar pankarta me foto të diktatorit Enver Hoxha. Policia parandaloi përshkallëzimin e situatës me ndërhyrjren në Varrezat e Dëshmorëve.
Pas homazheve, Basha i pyetur për incidentin ku u përfshinë mbështetës demokratë u shpreh se PD është e angazhuar të dërgojë në Kuvend ligjin për ndalimin e simboleve të komunizmit duker nisur me portretin e gjakatarit Enver Hoxha. Duke nderuar dëshmorët e Kombit, Basha shtoi se do të vazhdojnë betejën për lirinë e kërcënuar nga diktatura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.