.png)
Gjatë 24 orëve të fundit, janë shtuar 20 raste të prekura nga Covid-19 në vendin tonë. Mirela Cami bëri me dije se rastet e reja janë shpërndarë: 15 në qytetin e Tiranës, 2 në Krujë, 2 në Durrës dhe 1 në Kamëz. Ndër të tjera ekspertja e ISHP u shpreh se janë testuar edhe 65 personel shëndetësor nga të cilët kanë rezultuar 4 persona të prekur.
“Në spitalin infektiv aktualisht po trajtohen 21 të prekur, nga të cilët 5 janë në terapi intensive, njëri prej tyre është i intubuar. Rreth 8% e të prekurve aktivë po trajtohen në spital kurse pjesa tjetër po ndiqen nga mjekët e familjes. Në vendin tonë janë 253 persona aktivë me Covid-19, kryesisht në Tiranë, Durrës dhe Krujë. Në 24 orët e fundit janë shëruar 7 qytetarë, duke e çuar në 898 numrin e të shëruarve. Nga fillimi i epidemisë janë kryer mbi 16500 testime molekulare dhe serologjike dhe janë konfirmuar pozitivë 1184 raste,” u shpreh Cami.
Gjithashtu mjekja shtoi se qytetarët duhet të tregohen të kujdesshëm jo vetëm për distancimin social, por edhe për të mos neglizhuar simptomat,duke komunikuar me numrin 127 dhe nëse kanë nevojë për këshillim psikologjik të telefonojnë numrin 0800 40 40.
Shpërndarja gjeografike e rasteve aktive vijon:
Tiranë 172
Krujë 22
Durrës 15
Kamëz 12
Shkodër 10
Mat 9
Lushnje 6
Berat 2
Fier 2
Korçë 1
Librazhd 1
Mallakastër 1
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
