Gjatë 24 orëve të fundit janë konfirmuar 96 raste të reja dhe kanë humbur jetën 2 persona.
Mjekja Rovena Daja bëri me dije se personat që kanë ndërruar jetë janë një pacientë 63 vjeç nga Elbasani dhe një paciente 64 vjeç nga Shkodra. Daja theksoi se kanë vijuar shtrimet në Spitalin Infektiv dhe situata është shumë serioze.
“Aktualisht janë të shtruar 90 pacientë në spital, 10 janë në terapi intensive dhe 5 prej tyre janë të intubuar në gjendje të rëndë. Gjatë 24 orëve të fundit janë kryer 451 testime për të dyshuar të prekur me COVID19, nga të cilat janë konfirmuar 96 raste pozitive. Shpërndarja gjeografike e rasteve është si vijon: 51 raste në Tiranë, 6 në Shkodër, 5 në Durrës, nga 4 raste në Elbasan, Pogradec, nga 3 raste në Krujë, Kukës, nga 2 raste në Fier, Lezhë, Kavajë, Kamëz, Dibër, dhe nga 1 rast në Kurbin, Korçë, Devoll, Has, Lushnjë, Mat, Përmet, Sarandë, Përrenjas, Bulqizë. Në 24 orët e fundit janë shëruar 48 qytetarë, duke e çuar në 2062 numrin e të shëruarve që nga fillimi i epidemisë. Në vendin tonë aktualisht janë 1508 persona aktivë me COVID19, kryesisht në Tiranë, Shkodër, Krujë, Durrës,”
Si çdo ditë Daja i bëri thirrje qytetarëve dhe bizneseve të jenë të kujdesshëm dhe të respektojnë të gjitha masat e higjienës. Ndërkohë që tha se personat e prekur nga Covid-19 të izolohen dhe të kontaktojnë në numrin 127 të urgjencës kombëtare, në të kundërt nëse kanë nevojë për këshilla mjekësore apo për të kontaktuat mjekun e familjes të komunikojnë në numrin 0800 40 40.
Shpërndarja gjeografike e rasteve aktive sipas qarqeve:
Tiranë 672
Durrës 219
Shkodër 190
Vlorë 97
Lezhë 77
Kukës 51
Korçë 46
Berat 40
Elbasan 39
Fier 36
Gjirokastër 22
Dibër 19
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.