.png)
Një adoleshent shqiptar u përpoq të hynte fshehurazi në Britani i mbyllur brenda arkivolit të një fëmije.
Djaloshi 17-vjeçar u gjet i mbështjellë brenda arkivolit të vogël prej druri, të cilit i ishte mbyllur kapaku.
“The Sun” shkruan se gjetja erdhi gjatë një kontrolli rutinë të një furgoni nga oficerët francezë të kufirit afër Dunkirkut.
Arkivoli ishte 104 cm i gjatë.
I mituri shqiptar, i cili nuk mund të identifikohet për arsye ligjore, tha se kishte paguar 9 mijë paund për një kalim në Britani me furgon.
Ai i tha një gjykate: “U futa në arkivol në një stacion shërbimi autostrade në Steenvoorde (Franca veriore).
"Duhet të kem qenë brenda për të paktën një orë në kohën kur furgoni u ndal".
Arkivoli ishte fshehur mes kutive prej druri në pjesën e pasme të një furgoni Mercedes Sprinter.
Djaloshi u lirua pas verifikimit nga autoritetet franceze.
Shoferi, rumuni Lucian-Radu Rizae, pohoi se nuk e kishte idenë se çfarë kishte në bord.
Rizae pranoi se kishte marrë 4000 paund për të transportuar arkivolin dhe iu dha një dënim me gjashtë muaj burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
