.png)
Një grup prej 17 kompanish diskografike amerikane të përfaqësuara nga Shoqata Kombëtare e Botuesve të Muzikës (NMPA) kanë paditur Twitter për shkelje të dyshuar të të drejtave të autorit.
NMPA përfaqëson ndër të tjera Sony Music Publishing, BMG Rights Management dhe Universal Music Publishing Group, dhe pretendon se Twitter shkel sistematikisht të drejtat e këngëve të shumta dhe veçanërisht atyre që lidhen me videot muzikore, të cilat i mbajnë përdoruesit në platformë më gjatë: në thelb, thotë NMPA se Twitter “lejon dhe inkurajon” shpërndarjen e përmbajtjes, pa paguar tarifat e duhura për ata që zotërojnë të drejtat dhe vazhdon të përfitojë nga ndarja e tyre.
Në rastin e paraqitur në një gjykatë federale në Nashville, Tennessee, shoqata kërkon mbi 250 milionë dollarë dëmshpërblim (më shumë se 230 milionë euro).
Në dokumentet e depozituara në gjykatë, NMPA thotë se me këto shkelje Twitter e ka vendosur veten në një pozicion avantazh ndaj rrjeteve të tjera sociale si TikTok, Instagram dhe YouTube, të cilat në vend të kësaj paguajnë honoraret.
Shkeljet e supozuara kanë të bëjnë me periudhën përpara blerjes së diskutueshme të Twitter nga miliarderi Elon Musk: sipas shoqatës, megjithatë, me Musk situata nuk ka ndryshuar, dhe në të vërtetë zvogëlimi i zyrave të dedikuara për aktivitete të tilla si kontrolli i përmbajtjes dhe politikat e kompanisë në rast shkeljesh do të kishte kontribuar në krijimin e konfuzionit të mëtejshëm. /Il Post/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
