Numri i personave të prekur me koronavirus në Kosovë ka arritur sot në 108. Instituti Kombëtar i Shëndetit Publik ka konfirmuar se edhe dy pacientë të tjerë kanë rezultuar pozitiv me COVID-19, pas testimit të 24 pacientëve.
Dy rastet e fundit të konfirmuara janë njëri nga Gjakova dhe tjetri nga Prizreni.
Në mesin e 40 pacientëve me Covid-19 të shtuar në Klinikën Infektive në QKUK në Prishtinë mësohet se janë edhe 3 infermierë.
Ministria e Shëndetësisë thekson se thuhet se 34 të sëmurë janë në gjendje të qëndrueshme, ndërsa 6 prej tyre nën kujdes intensiv.
Sa i përket stafit të Klinikës Infektive, deri sot ka 3 infermiere të infektuara me Covid-19, prej të cilave dy janë pranuar në klinikë për trajtim mjekësor, ndërsa nje është e vet-izoluar në shtëpi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.