Kuriozitete

100$ metri katror në Parajsë! Një kishë po shet parcela toke për jetën e përtejme

Nga Gazeta 'Si'-Një kishë në Meksikë "po i ndihmon" njerëzit të përgatiten për jetën e përtejme duke i shitur atyre parcela toke në parajsë.

Sipas pastorit të Entoms, i cili pretendon se ka marrë “lejen nga Zoti”, kisha po ofron pasuri të paluajtshme qiellore për 100 dollarë për metër katror.

Fotografitë e ofertës kanë qarkulluar në rrjetet sociale, duke treguar një broshurë me një përshkrim të hollësishëm të një shtëpie në re. Ilustrimi paraqet një familje që ngjitet në një shkallë të artë për në shtëpinë e tyre të re qiellore. Broshura sqaron gjithashtu se kisha pranon opsione të ndryshme pagese, duke përfshirë PayPal, Google Pay, Visa, Mastercard dhe American Express.

Sipas influencer-it të pasurive të paluajtshme Armando Pantoja, mendohet se kisha deri tani ka fituar miliona dollarë prej këtyre parcelave qiellore, në atë që quhet “marrëveshja më e madhe e pasurive të paluajtshme në planet”.

@tallguytycoon Thoughts? A church is offering plots in heaven for $100, with installment plans available. Stay informed and consider where you invest your money. #realestateagent #realestateinvesting #realestate ♬ original sound - Armando Pantoja

Fatkeqësisht, ky nuk është rasti i parë që dikush përpiqet të shesë pasuri të paluajtshme në parajsë. Në vitin 2018, një pastor nga Zimbabveja u arrestua pasi i shiti kongregacionit të tij “bileta për në parajsë” për 533 dollarë për person.

Në mënyrë të ngjashme, vitin e kaluar, një pastor nga Uganda bindi shumë nga ndjekësit e tij që të shisnin asetet e tyre, duke përfshirë tokën dhe bagëtinë, për të financuar blerjet e tyre të Parajsës.//Relevant Magazine


Copyright © Gazeta “Si”


Më Shumë