.png)
Në ditën ndërkombëtare të gruas, organizata “UN Women” i bën thirrje botës për të investuar tek gratë, si mënyra më e mirë për të përshpejtuar rritjen ekonomike dhe për të ndërtuar shoqëri më të mira.
Kjo është urgjente sidomos për vendet në luftë dhe në krizë, që po shkatërrojnë të gjitha arritjet e bëra deri më tani për barazinë gjinore. Nga Lindja e Mesme në Haiti, Sudan, Mianmar, Ukrainë, Afganistan dhe vende të tjera, gratë paguajnë kostot e konflikteve që nuk kanë nisur ato.
Ndryshimet klimatike po rrisin hendekët e varfërisë. Ndërsa mungesa e burimeve jetësore shtohet, mjetet e jetesës kërcënohen, shoqëritë polarizohen më shumë dhe gratë mbajnë një barrë gjithnjë e më të rëndë.
1 në çdo 10 gra në botë jeton në varfëri ekstreme. Numri i grave dhe vajzave që jetojnë në zonat e prekura nga konflikti është dyfishuar që nga viti 2017, tani, më shumë se 614 milionë gra dhe vajza jetojnë në zonat e prekura nga konflikti. Në zonat e konfliktit, gratë kanë 7.7 herë më shumë gjasa të jetojnë në varfëri ekstreme. Ndryshimi i klimës do të lërë të uritur 236 milionë gra dhe vajza më shumë deri në vitin 2030, dy herë më shumë se burrat (131 milionë).
Në moshën primare të punës, vetëm 61% e grave janë në fuqinë punëtore kundrejt 90% të burrave. Më shumë se 100 milionë gra dhe vajza mund të nxirren nga varfëria nëse qeveritë do t'i jepnin përparësi arsimit dhe planifikimit familjar, pagave të drejta dhe të barabarta dhe zgjeronin përfitimet sociale.
Pothuajse 300 milionë vende pune mund të krijohen deri në vitin 2035 përmes investimeve në shërbimet e kujdesit, si ofrimi i kujdesit ditor dhe kujdesi për të moshuarit. Dhe mbyllja e boshllëqeve të punësimit gjinor mund të rrisë produktin e brendshëm bruto për frymë me 20% në të gjitha rajonet.
Realiteti aktual është larg kësaj. Programet e dedikuara për barazinë gjinore përfaqësojnë vetëm 4% të ndihmës zyrtare për zhvillim. Një shtesë prej 360 miliardë dollarësh në vendet në zhvillim nevojiten në vit për të arritur barazinë gjinore dhe fuqizimin e grave. Kjo është më pak se një e pesta e 2.2 trilion dollarëve të shpenzuar globalisht për shpenzimet ushtarake në vitin 2022, për shembull.
Fushat që kanë nevojë për investime janë të qarta dhe të kuptueshme. Së pari dhe më kryesorja duhet të ketë një investim në paqe. Përtej kësaj, investimet e nevojshme përfshijnë: ligjet dhe politikat që avancojnë të drejtat e grave dhe vajzave; transformimi i normave shoqërore që paraqesin barriera për barazinë gjinore; garantimi i aksesit të grave në tokë, pronë, kujdes shëndetësor, arsim dhe punë të denjë; dhe financimi i rrjeteve të grupeve të grave në të gjitha nivelet.
UN Women u bën thirrje gjithashtu Shteteve Anëtare në Komisionin për Statusin e Grave të mbështesin angazhimet e tyre për barazinë gjinore me burime.
Marrë nga faqja zyrtare e UN Women*
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
