.png)
Kryeministri Edi Rama ka nisur një vizitë zyrtare në Itali për të biseduar mbi konferencën e donatorëve që do të ndihmojnë me fonde për rindërtimin e zonave të prekura nga tërmeti i 26 nëntorit. Në këtë vizitë që shoqërohet nga ministri i Shtetit për Rindërtimin, Arben Ahmetaj, kryeministri fillimisht u takua me ministrin e Jashtëm, Luigi Di Maio. Teksa është folur për organizimin e Konferencës së Donatorëve më 17 shkurt në Bruksel, për Rindërtimin pas tërmetit të 26 nëntorit, Rama e ka informuar ministrin italian se raporti i plotë i dëmeve do të jetë gati për disa ditë, por deri tani fatura është llogaritur të jetë rreth 1 miliardë euro. Ministri i Jashtëm italin u shpreh se ka besim tek Konferenca e Donatorë.
Në mes të muajit shkurt në Bruksel pritet të mbahen konferenca e BE-së për mbledhjen e fondeve për të rindërtimin e zonave të prekura nga tërmeti në Shqipëri. Komisioni Europian ka kërkuar që Tirana zyrtare të përgatisë një raport në lidhje me dëmet e shkaktuara nga tërmeti i 26 nëntorit të vitit shkuar, duke përllogaritur edhe nevojat që shtetit shqiptar i nevojiten për rindërtimin.
Pas kryediplomatit italian, Rama zhvilloi dhe një takim me kryeministrin Giuseppe Conte. Në fundjavë Rama do të jetë në Berlin ku do takojë Kancelaren Angela Merkel.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
