Në heshtje dhe pa shumë bujë, por Skënderbeu vijon të jetë në merkato, duke bërë disa goditje shumë të studiuara. Këtë herë klubi korçar ka zyrtarizuar afrimin e mesfushorit malazez Idriz Toskiç, i cili duke filluar nga kjo e mërkurë është pjesë e Skënderbeut.
23-vjeçari së bashku me presidentin Ardjan Takaj kanë firmosur kontratën që e lidh për 1 vit e gjysmë me klubin bardhekuq. Në njoftimin zyrtar të këtij transferimi, klubi korçar shkruan se Toskiç ka mbërritur ditën e djeshme në Korçë ndërkohë që sot u bashkua me grupin në stërvitje në seancën e parë përgatitore në kuadër të takimit ndaj Partizanit
Malazezi luan në qendër të mesfushës dhe është afrimi i 3-të në merkaton e janarit pas Asanit dhe Taipit.
Në bazë të pritshmërive, Idriz Toskiç pritet të jetë një vlerë e shtuar për qendrën e mesfushës korçare. Toskiç është i formuar si futbollist në Itali në akademinë e klubit të Barit. Për disa sezone ka luajtur në kategoritë e ulta në Itali dhe vitin e fundit ishte pjesë e Botev Vratsa në Bullgari. Me këtë afrim të Toskiç, besohet se merkato e Skënderbeut është e mbyllur për këtë janar dhe ekipi duket i kompletuar për pjesën e mbetur të sezonit. Ndërkohë sa i përket shitjeve edhe pse ka pasur disa lajme për futbollisti të ndryshëm ende nuk është bërë ndonjë lëvizje deri në këto momente.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.