Gazeta Si - Polonia shkon direkt në finalen e play-off-it të Botërorit të Katarit dhe në qershor do të ndeshet me fituesin e çiftit Suedi-Çeki. FIFA ndërkohë ka pranuar kërkesën e Federatës Ukrainase të Futbollit për shtyrjen e ndeshjes me Skocinë për shkak të luftës. Moska është kundër sanksioneve të UEFA-s dhe FIFA-s.
FIFA ka zyrtarizuar shtyrjen e ndeshjes mes Skocisë dhe Ukrainës për në qershor, pikërisht ashtu siç kishte paralajmëruar BBC. Ndeshja gjysmëfinale e play-off-it të Botërorit duhej të luhej në “Hampden Park” të Gllasgout më 24 mars, por Ukraina kërkoi me një shkresë zyrtare spostimin e saj, pas sulmit rus.
Pas skualifikimit të Rusisë, Polonia shkon automatikisht në finalen e grupit B, ku do të ndeshet me fituesin e Suedi-Çeki. Federata Ruse e Futbollit ka bërë rekurs në Gjykatën e Arbitrazhit Sportiv (KAS) kudër vendimeve të 28 shkurtit të FIFA-s dhe UEFA-s për pezullimin e gjithë skuadrave ruse nga kompeticionet e tyre.
Rusia kërkon pezullimin e ekzekutimit të këtij vendimi dhe lejimin e kombëtares dhe klubeve ruse që të luajnë në kompeticionet e FIFA-s dhe UEFA-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.