.png)
Nga Gazeta Si- Policia ka arrestuar administratorin e pallatit të kompleksit në zonën e njohur si ‘Farmacia 10’ në kryeqytet, ku ra zjarr ditën e djeshme.
Gjithashtu janë arrestuar dhe menaxherja e marketit nga ku dyshohet se ka nisur zjarri, si edhe E.A., inxhinieri i kompanisë dhe A.F., kontraktori që ka bërë fasadën, ndërsa nën hetim është vënë ndërtuesi.
A. C., 54 vjeç, administratori i kompleksit të pallateve, akuzohet për veprën penale “Shkelja e rregullave të mbrojtjes në punë”.
R. S., 54 vjeçe, menaxherja e marketit në katin e parë të kompleksit, akuzohet për veprat penale “Shkatërrimi i pronës nga pakujdesia” dhe “Shkelja e rregullave të mbrojtjes në punë”.
E. A., 66 vjeç, inxhinier drejtues i punimeve për ndërtimin e këtij kompleksi, për veprën penale “Shkelja e rregullave të mbrojtjes në punë”.
A. F., 46 vjeç, administratori i subjektit që ka bërë punimet për fasadën e kompleksit, për veprën penale “Shkelja e rregullave të mbrojtjes në punë”.
Gjithashtu, ka nisur hetim penal për A. L., 48 vjeç, pronari i kompleksit të pallateve, Sh. B., 41 vjeç, i kontraktuari për ndërtimin e kompleksit si dhe S. A. e E. M., punonjëse në market, për veprën penale “Shkatërrimi i pronës nga pakujdesia”.
Nga veprimet e para hetimore dyshohet se në ambientin e pasëm të marketit që menaxhonte R. S., ka rënë zjarr në një vend ku ishin grumbulluar mbeturina ku, sipas policisë, ajo nuk kishte marrë masa për heqjen e tyre.
Gjithashtu, A. C., administrator i kompleksit të banimit, dyshohet se nuk ka kontrolluar funksionalitetin e masave mbrojtëse për zjarrin dhe shpëtimin.
Nga flakët u dëmtuan 11 punonjës të DPMZSh-së dhe banore të pallatit, të cilët vijojnë të marrin mjekim në spital dhe janë jashtë rrezikut për jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje