Gazeta Si - Ditët e fundit, situata me zjarret në vend ka qenë shumë problematike, nga veriu në jug. Gjatë 24 orëve të fundit janë raportuar për 22 vatra, ndërsa vijojnë të jenë aktive 2 prej tyre.
Për shuarjen e flakëve janë angazhuar 437 efektivë zjarrfikës, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor dhe forca vullnetare.
Gjithashtu në zonat e zjarreve, kanë ndërhyrë 44 mjete zjarrfikëse, 1 helikopter Cougar dhe 2 avionë të palës greke, të cilët kanë punuar mbi fshatin Kardhikaq të Bashkisë Finiq.
Aktualisht janë aktive vatrat në: Në fshatin Pecë i Bashkisë Finiq pavarësisht ndërhyrjes gjatë ditës së djeshme dhe gjatë natës nuk është arritur shuarja e vatrës së zjarrit. Mëngjesin e sotëm ka rinisur puna për shuarjen e zjarrit, ndihmuar edhe nga ajri me helikopter Cougar te MM; fshatin Postribë i Bashkisë Shkodër vatra nuk është shuar, por ka një intensitet të ulët. Vijon puna për shuarjen e flakëve.
Pas ndërhyrjes nga forcat operacionale është bërë e mundur izolimi i plotë dhe shuarja e vatrave në:
• Fshatin Panaja, fshati Kropishtë dhe fshatin Delisuf, Bashkia Vlorë.
• Fshatin Rehovë, Bashkia Poliçan.
• Fshatin Poshnjë, Bashkia Dimal.
• Fshatin Bogë dhe fshatin Reç Bashkia Malësi e Madhe
• Fshatin Bërdicë, Bashkia Shkodër.
• Në lagjen nr.1, Bashkia Kavajë.
• Fshatin Fushë Prezë, Bashkia Vorë.
• Në fshatrat Frashtan, Lugar, Grapsh dhe fshatin Goranxi, Bashkia Dropull.
• Në lagjen “Granic”, Bashkia Gjirokastër.
• Fshatin Veliqot, Bashkia Tepelenë.
• Fshatin Rubjekë, Bashkia Shijak.
• Në lagjen ish – SMT, Bashkia Devoll.
• Fshatin Kamunah, Bashkia Cërrik.
• Fshatin Seman dhe fshati Portëz Bashkia Fier.
• Fshatin Cukas, Bashkia Lushnjë.
• Fshatin Margëlliç, Bashkia Patos.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.