.png)
Vetëm një vit sabatik për Zinedin Zidan, i cili në verë do të kthehet në punë dhe do ta bëjë në shtëpinë e tij, në Francë. Ish-trajneri i Real Madridit do të zëvendësojë Mauricio Poketinon në stolin e PSG-së.
Zidan kërkohet me çdo kusht nga presidenti Al-Khelaifi për skuadrën e tij, sipas “RMC”, por konfirmime ka edhe nga shtypi spanjoll. Emri i Zizu nuk lidhet me qëndrimin e Kilian Mbape, i destinuar të shkojë në Madrid me parametra zero, por mund të bëhet edhe edhe me qëllimin për të bindur sulmuesin të ndërrojë mendje.
Daniel Riolo, autori i “scoop”-it të vitit të kaluar për kalimin e Mesit te PSG, pohon se kjo lëvizje e PSG-së edhe mund ta ndryshojë situatën e Mbape “in extremis”.
As fitimi i Ligës së Kampionëve nuk do ta shpëtonte Poketinon. PSG është në fatin e Zidan, i cili do të ishte trajneri i parë dhe me shumë mundësi i vetëm, që do kishte stërvitur si Kristiano Ronaldon, ashtu edhe Lionel Mesin, dy yjet e futbollit botëror.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
