Eksportet kanë shënuar rënie në gjithë shtatëmujorin e këtij viti.
Ashtu siç kanë paralajmëruar në mënyrë të vazhdueshme bizneset shqiptare të prekura nga zhvlerësimi i monedhës euro, edhe shifrat e raportuara nga INSTAT tregojnë se eksportet arritën vlerën 1 80 mld lekë, duke u ulur me 2,6 %, krahasuar me një vit më parë ndërsa importet arritën 377 mld lekë, duke u rritur me 2,6 %, krahasuar me një vit më parë. Deficiti tregtar arriti vlerën 197 mld lekë, duke u rritur me 7,8 %, krahasuar me të njëjtën periudhë të 2018.
Megjithëse eksportet i janë rikthyer rritjes në korrik, pasi kanë performuar jo mirë në 6 muajt e parë të vitit, shtatë mujori tregon sërish për një dobësim të tyre.
Sipas bizneseve të eksportit dhe atyre fason situata e paraqitur në shifra tregon pikërisht atë që është paralajmëruar prej tyre se zhvlerëimi i euros me 13 pikë përqindjeje, ka dëmtuar ekonominë e këtyre bizneseve.
Ajo që vërehet edhe nga grafiku, grupet që kanë ndikuar negativisht më së shumti në rënien e eksporteve janë Materialet e ndërtimit dhe Tekstilet e këpucët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.