Gazeta Si - Një kufomë e zhvarrosur këtë të enjte në një fshat të Librazhdit, hedh dyshime të forta se trupi i përket Renato Hamzait, i zhdukur që prej qershorit 2014.
Sipas burimeve paraprake, Prokuroria e Elbasanit ka rihapur hetimet për zhdukjen e këngëtarit të njohur edhe si Reni i Elbasanit.
Po sipas të njëjtave burime, pritet që të kryhet analiza e ADN-së për të konfirmuar nëse bëhet fjalë pikërisht për Renin.
Renato Hamza rezulton i zhdukur prej 8 vjetësh, kur për herë të fundit është filmuar në Elbasan i shoqëruar nga Indrit Shaqja, i cili sot është në qeli, i dënuar me burg përjetë për një tjetër ngjarje kriminale dhe nga Denis Kliromanit.
Ky i fundit është person i njohur i Ervin Kërtallës, i vrarë në Shijak në gusht 2013.
Ai u kap rreth 1 muaj më parë Kolumbi për llogari të autoriteteve rumune, pasi akuzohet për disa vepra penale.
Ka dyshime të forta se këngëtari i muzikës tallava, Renato Hamza, mund të jetë ekzekutuar nga një grup kriminal që operon në zonën e Shqipërisë së Mesme, pasi për të riun kanë pasur dyshime se mund të ketë qenë dëshmitarë i një ngjarje kriminale që ky grup kishte kryer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.