Zemërimi mund të rrisë rrezikun e një ataku në zemër ose goditje në tru

Studiuesit kanë zbuluar se momentet e shkurtra të zemërimit mund të dëmtojnë funksionin e enëve të gjakut, duke rritur potencialisht rrezikun e një ataku në zemër ose goditje në tru.

Dr Daichi Shimbo, autor i studimit dhe profesor i mjekësisë në Universitetin e Kolumbias, tha: "Ne pamë se një gjendje e zemëruar çon në mosfunksionim të enëve të gjakut.

"Megjithëse ne ende nuk e kuptojmë se çfarë mund të shkaktojë këto ndryshime."

Studiuesit e përshkruan këtë efekt si një "dëmtim në zgjerimin e enëve të gjakut".

Furnizimi i ndërprerë i gjakut, teorikisht, mund të çojë në një atak në zemër ose goditje në tru.

Studiuesit analizuan të dhënat nga 280 vullnetarë të moshës 26 vjeç.

Të gjithë pjesëmarrësit u udhëzuan të pushojnë për 30 minuta, gjatë së cilës nuk u lejuan të flisnin, të përdornin telefonat, të lexonin apo të flinin.

U bë një matje e presionit të gjakut përpara se secilit t'i caktohej rastësisht një nga katër detyrat tetë minutëshe.

Mjeku u kërkoi atyre të kujtonin një moment personal që i zemëronte.

Gjithashtu morën vullnetarë për të kujtuar një moment ankthi ose për të lexuar një seri fjalish dëshpëruese të krijuara për të ngjallur një ndjenjë trishtimi.

Një detyrë e katërt, emocionalisht neutrale, kërkonte që pjesëmarrësit të numëronin vazhdimisht deri në 100.

Matjet e presionit të gjakut dhe zgjerimit të enëve u morën pas tre minutash dhe përsëri në 40, 70 dhe 100 minuta më vonë.

Gjithashtu u morën mostra gjaku për të vlerësuar shëndetin e qelizave.

Studiuesit zbuluan se kujtimet e të shkuarës që shkaktonin zemërim çuan në një dëmtim të zgjerimit të enëve të gjakut, nga zero në 40 minuta pas detyrës.

“Dëmtimi nuk ishte më i pranishëm pas 40 minutave. Nuk kishte ndryshime të rëndësishme statistikisht në enët e gjakut të pjesëmarrësve në asnjë moment pas përjetimit të detyrave emocionale të ankthit dhe trishtimit."

Duke shkruar në Gazetën e Shoqatës Amerikane të Zemrës, studiuesit, megjithatë, pranuan se studimi nuk është përfundimtar.

Ata vunë në dukje se ishte 'e paqartë nëse rezultatet do të ishin njësoj për të moshuarit me probleme të tjera shëndetësore, të cilët me shumë gjasa merrnin medikamente'.

Dr Glenn Levine, profesor i mjekësisë në Kolegjin e Mjekësisë Baylor në Hjuston, i cili nuk ishte i përfshirë në hulumtim, tha: "Ky studim shton bazën në rritje të provave që mirëqenia mendore mund të ndikojë në shëndetin kardiovaskular dhe në gjendjet emocionale intensive akute. Për shembull, ne e dimë se trishtimi i fortë ose emocione të ngjashme janë një shkaktar i zakonshëm për kardiomiopatinë Takotsubo (sindroma e zemrës së thyer). Ngjarje të tilla si tërmetet, apo edhe kur një tifoz që shikon një ndeshje futbolli, të cilat provokojnë stres, mund të çojnë në infarkt miokardi (sulm në zemër) dhe ose në aritmi."

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.