.png)
Tre persona janë arrestuar në Tiranë gjatë një aksioni anti-drogë me emrin e koduar “Aroma”. Policia ka zbuluar një të ashtuquajtur “shtëpi bari”, brenda të cilës ishin kultivuar bimë narkotike. Të arrestuarit janë shtetasit me iniciale A.A., 28 vjeç, H.T., 50 vjeç he shtetësja Xh.I., 54 vjeçe.
Sipas policisë, 28-vjeçari dhe 54-vjeçarja, kishin përshtatur ambientin e një banese, me aparatura që shërbejnë për tharjen dhe prodhimin e lëndëve narkotike, të cilën e paketonin dhe e bënin gati për shpërndarje me doza për përdorues të ndryshëm.
Ndërsa 50-vjeçari H.T. kishte detyrë të ruante ambientin e jashtëm të banesës dhe të raportonte dy të arrestuarit e tjerë në rast se shikonte lëvizje të dyshimta.
Gjatë kontrollit të banesës u gjetën dhe u sekuestruan 27 kg kanabis, një armë zjarri pistoletë, municion luftarak, aparatura që shërbejnë për tharjen dhe prodhimin e lëndës narkotike, doza me lëndë të dyshuar kokainë, një peshore elektronike dhe një automjet.
Materialet i kaluan Prokurorisë pranë Gjykatës së Shkallës së Parë Tiranë, për veprat penale “Prodhimi dhe shitja e narkotikëve” e kryer në bashkëpunim dhe “Armëmbajtja pa leje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
