.png)
Gazeta Si – Dy vëllezër janë arrestuar në Laknas pranë Tiranës, pasi kishin përshtatur shtëpinë e tyre për kultivimin e kanabisit.
Në pranga për kultivimin e lëndës narkotike kanë rënë dy vëllezërit Sh.M., 38 vjeç dhe Fatmir Matraxhi 28 vjeç, ndërsa është proceduar në gjendje të lirë edhe babai i tyre, Z.M., 66 vjeç për moskallëzim krimi.
Dy vëllezërit kishin instaluar brenda banesës së tyre pajisje ndriçimi dhe ventilimi, ndërsa energjia elektrike merrej në mënyrë të paligjshme dhe për këtë u arrestua edhe punonjësi i OSHEE, Endrit Paja 29 vjeç, i cili akuzohet për shpërdorim detyre.
Gjatë kontrollit të banesës, në cilësinë e provës materiale u sekuestruan: 20 bimë narkotike Cannabis Sativa, rreth 60 cm të larta, një sasi me lëndë narkotike kanabis të përpunuar, 5 llamba speciale për ndriçim dhe ngrohje, 2 filtra për pastrimin e aromave, 3 ventilatorë freskues, 2 pajisje për matjen dhe rregullimin e temperaturës dhe pajisje të tjera elektrike të përdorura për kultivimin në ambiente të mbyllura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
