.png)
Një sasi lënde narkotike e llojit kokainë, prej 7 kg e 700 gramë, është zbuluar në Portin e Durrësit mesditën e të martës.
Sipas policisë, bëhet me dije se nga kontrollet e disa prej konteinerëve me banane, në njërin prej tyre janë gjetur tetë pako me kokainë, që i përkasin firmës “Alba Exotic Fruit”.
Kontejneri me banane mësohet se është në pronësi të kompanisë “Alba Exotic Fruit”, të biznesmenit Eduart Dautit, me precendent të mëparshëm në këtë fushë.
Policia e ka shpallur në kërkim Dautin, ndërsa më herë, në një operacion me 13 korrik të këtij viti, arrestoi në flagrancë menaxherin e firmës, Bajron Gumenin.
Kjo është e disata herë radhazi që në kontejnerët me banane të kësaj firme gjendet lëndë narkotike kokainë në Portin e Durrësit.
Burime policore, thanë se në pjesën fundore te kapakët e motorëve frigoriferikë, u gjetën dhe u sekuestruan 8 pako me lëndë narkotike të dyshuar kokainë.
Lënda narkotike e sekuestruar dyshohet se vinte nga Amerika Latine, ndërkohë që agjentët anti-drogë po vijojnë kontrollin në port.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
