Vuçiç: Nuk do ta njoh kurrë Kosovën, ia kam thënë këtë edhe Scholz-it dhe Macron-it

16:39 - 26 Nëntor 2023

Presidenti serb Aleksandar Vuçiç ka deklaruar se javë dhe muaj të vështirë janë përpara për vendin e tij, pasi qëllimi i bashkësisë ndërkombëtare është ta detyrojë Serbinë të njohë pavarësinë e Kosovës.

Ai theksoi sërish se Beogradi nuk do të pajtohet me këtë, ndërsa shtoi se Serbia vazhdimisht përballet sipas tij me standarde të dyfishta dhe sjellje të pamatura.

I pyetur nëse do të nënshkruante njohjen e Kosovës, Vuçiç u përgjigj se nuk do ta bënte kurrë.

“Unë e kam thënë një mijë herë që nuk do ta bëj. Këtë ia thashë edhe Scholz, Macron dhe Melonit. Të pranishëm ishin edhe Charles Michel, Borrell dhe Lajcak. E thashë para gjashtë prej tyre”, tha Vuçiç.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.